“Tanıdığım Əli Kərim” kitabı çapdan çıxmışdır

Bakı, 25 iyul (AZƏRTAC). Tanınmış yazıçı-dramaturq Altay Məmmədovun görkəmli şair Əli Kərim barədə xatirələrindən ibarət irihəcmli “Tanıdığım Əli Kərim” kitabı çapdan çıxmışdır.

“Elm və təhsil” nəşriyyatında işıq üzü görən kitaba müəllifin Əli Kərimlə bağlı xatirələri, o cümlədən əsərlərinin təhlili ilə əlaqədar materiallar daxil edilmişdir.

Kitabı Altay Məmmədovun və Əli Kərimin övladları Elcan Məmmədov və Paşa Əlioğlu nəşr etdirmişlər.

Yeni nəşrin redaktoru Paşa Kərimovdur.

 

İstinad:https://azertag.az/xeber/tanidigim_eli_kerim_kitabi_chapdan_chixmisdir-181199